भरतपुर महानगरपालिका
नगर कार्यपालिकाको कार्यालय
शैक्षिक प्रशासन महाशाखा
भरतपुर-१०, चितवन
सूचना प्रकाशन मिति : २०८३/०२/०८
कक्षा ११ मा छात्रवृत्तिका लागि अनलाईन आवेदन भर्ने सम्बन्धी अत्यन्त जरूरी सूचना
भरतपुर महानगरपालिका अन्तरगतका संस्थागत विद्यालय/सामुदायिक क्याम्पसहरूमा शैक्षिक सत्र २०८३/८४ मा कक्षा ११ र १२ मा छात्रवृत्ति कोटामा अध्ययन गर्न चाहने विद्यार्थीहरूलाई महानगरपालिका विद्यालय छात्रवृत्ति व्यवस्थापन कार्यविधि, २०८२ को दफा १२ को उपदफा १ बमोजिम छात्रवृत्ति प्रदान गरिने र सो बमोजिम विद्यार्थी छनोटका लागि इच्छुक विद्यार्थीहरूबाट सूचना प्रकाशित भएको मितिले १५ दिन भित्र (मिति २०८३/०२/२२ गते राती १२:०० बजेभित्र) देहायका कागजात सहित अनलाइन आवेदन पेश गर्न जानकारी गराइन्छ । यस महानगरपालिकाको वेबसाइट www.bharatpurmun.gov.np वा scholarship.bharatpurmun.gov.np मार्फत अनलाइन आवेदन तपसिलको कागजातहरू सहित दिन सकिने व्यवस्था मिलाइएको व्यहोरा अनुरोध छ ।
तपसिल
- १. SEE को ग्रेड सिट ।
- २. अपाङ्गता भएको विद्यार्थीहरूको हकमा अपाङ्गता परिचयपत्र ।
- ३. आदिवासी, जनजाति र दलित विद्यार्थीको हकमा सम्बन्धित जिल्ला प्रशासन कार्यालयबाट प्रमाणित कागजात ।
- ४. सहिद/बेपत्ता परिवारका सन्तति/सशस्त्र द्वन्द्व र जनआन्दोलनका घाइतेका सन्ततिको लागि सम्बन्धित जिल्ला प्रशासन कार्यालयबाट प्रमाणित कागजात ।
- ५. गरीव तथा विपन्न समूहको छात्रवृत्तिको लागि आवेदन गर्दा गरीव घर पहिचान परिचयपत्र वा सम्बन्धित वडाको सिफारिस पत्र ।
- ६. अनाथ, असहाय तथा विशेष संरक्षणमा रहेका बालबालिकाहरूले आवेदन गर्दा सोही व्यहोरा खुलेको सम्बन्धित वडा कार्यालयको व्यहोरा प्रमाणित पत्र ।
- ७. भरतपुर महानगरपालिकामा स्थायी बसोबास भए २ अङ्क प्राप्त हुने हुँदा जन्म दर्ता प्रमाणपत्र वा बसाइसराइ गरेको पत्र ।
छात्रवृत्ति छनौटका आधारहरू
१ विज्ञान विषयको छात्रवृत्त्ति वितरणको आधारहरू
- कक्षा १० को विज्ञान विषयको फाइनल GP ४० प्रतिशतले हुन आउने अङ्क
- कक्षा १० को गणित विषयको फाइनल GP ३३ प्रतिशतले हुन आउने अङ्क
- कक्षा १० को अग्रेजी विषयको फाइनल GP २५ प्रतिशतले हुन आउने अङ्क
- भरतपुर महानगरपालिकाका स्थायी बसोवासी भए २ अङ्क
२ विज्ञान बाहेक अन्य विषयको छात्रवृत्त्ति वितरणको आधारहरू
- कक्षा १० को गणित विषयको फाइनल GP २० प्रतिशतले हुन आउने अङ्क
- कक्षा १० को अग्रेजी विषयको फाइनल GP २६ प्रतिशतले हुन आउने अङ्क
- कक्षा १० को नेपाली विषयको फाइनल GP २६ प्रतिशतले हुन आउने अङ्क
- कक्षा १० को सामाजिक विषयको फाइनल GP २६ प्रतिशतले हुन आउने अङ्क
- भरतपुर महानगरपालिकाका स्थायी बसोवासी भए २ अङ्क
छात्रवृत्ति सम्बन्धी गुनासो वा केही सोधपुछ गर्नुपरेमा भरतपुर महानगरपालिकाको टेलिफोन नं. 056-520167, 521467, 530062, 526951, 522252, 525771मा सम्पर्क गर्न सकिनेछ। प्राविधिक सहायताको लागि bmc@ntc.net.np मा इमेल गर्न सकिनेछ।
Online Application For Scholarship Merit(Grade 11-12)
SEE Result Published Date: {{Configuration.SEEDisplayDate}}
{{'RESERVATION_INFO' | translate}}
नेपाल सरकार
शिक्षा, विज्ञान तथा प्रविधि मन्त्रालय
सिंहदरबार, काठमाडौँ
